O Concello de Brión organiza o I Encontro de Turismo e Gastronomía Local de Brión e Arredores, unha xornada dirixida a profesionais, empresas e iniciativas vinculadas ao sector turístico e gastronómico.

O encontro celebrarase o xoves 29 de outubro, de 9:30 a 13:30 horas, na Aula da Terra do Espazo Colaborativo de Montebalado.

A xornada ten como obxectivo favorecer o contacto entre profesionais, compartir experiencias, identificar oportunidades de colaboración e deseñar novas propostas turísticas que aproveiten os recursos de Brión e da súa contorna.

Programa da xornada

• 
  Recepción e presentación: benvida ás persoas participantes e apertura da xornada pola concelleira de Promoción Económica e Turismo.
  
• 
  Mesa de traballo: presentación das empresas e profesionais asistentes, dos seus servizos, necesidades e propostas de colaboración.
  
• 
  Degustación de produtos locais: pausa para coñecer e degustar produtos elaborados nas cociñas colaborativas de Montebalado.
  
• 
  Obradoiro de creación de experiencias turísticas: deseño de produtos e experiencias adaptadas aos recursos de Brión e aos perfís das empresas participantes. Abordaranse aspectos como a colaboración con provedores locais, a creación de contidos, as políticas de prezos, a elaboración de presentacións comerciais e as canles de comercialización.
  
• 
  Caso de boas prácticas: presentación da experiencia de Feitoría Verde.
  

Información e inscricións